ЖЧ-2022 ўтказиладиган янги стадион очилди: «Ҳақиқий санъат асари»
Қатарда 2022 йилги жаҳон чемпионати ўтказиладиган футбол стадионларидан бири фойдаланишга топширилди. Бу пойтахт Доҳадаги «Ал-Тумама» стадиони.
Меъмор Иброҳим Жайда лойиҳаси бўйича қурилган стадион шаклан араб эркакларининг бош кийими — гуфияга ўхшаш. Трибуналари 40 минг томошабинга мўлжалланган. «Ал-Тумама» — ЖЧ-2022 ўйинларини ўтказиш учун қурилаётган саккизта стадионнинг бешинчиси.
ФИФА президенти Жанни Инфантино янги спорт иншоотига юқори баҳо берди. «Ал-Тумама» стадиони — ҳақиқий санъат асари», — унинг сўзларини келтирмоқда ТАСС.
Эслатиб ўтамиз, 2022 йилги Жаҳон чемпионати 21 ноябрдан 18 декабргача Қатарнинг бешта шаҳридаги саккизта стадионда бўлиб ўтади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter