Карло Aнчелотти: «Реал Мадрид» охиргиси бўлади!..»
Мадриднинг «Реал» клуби бош мураббийи Карло Aнчелотти клубдан кетгач, фаолиятини якунлашини маълум қилди.
«Реал» фаолиятимдаги якуний босқич бўлади. Шундан кейин мен нафақага чиқаман. «Реал Мадрид» футболнинг чўққиси. Бундай жамоа билан ишлагандан сўнг, нафақага чиқиш мантиқан тўғри», — дейди Aнчелотти Il Messaggero нашрига берган интервюсида.
63 ёшли мураббий 2021 йилнинг ёзида Мадридга қайтганди. Унинг қўл остида жамоа ўтган мавсумда Испания чемпионати, Чемпионлар лигаси, Испания Суперкубоги ва Европа Суперкубогида ғолиб чиқди.
«Реал Мадрид» билан Aнчелотти 4 марта Чемпионлар лигасини ютган биринчи мутахассисга айланди.
Эслатиб ўтамиз, 28 май куни Париждаги «Стад де Франс» стадионида бўлиб ўтган Чемпионлар лигасининг 2021/22 йилги мавсуми финалида Мадрид клуби «Ливерпул»ни 1:0 ҳисобида мағлуб этди. Бунгача италиялик мутахассис «Реал» (2013/14) ва «Милан» билан икки марта чемпионликни қўлга киритган (2002/03 ва 2006/07).
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter