«Манчестер Сити» ярим ҳимоячиси Кевин Де Брюйне «X» саҳифасида ёзда жамоани тарк этишини маълум қилди.

«Бу ойлар «Манчестер Сити»даги футболчилик фаолиятимнинг сўнгги ойлари бўлади. Бу ҳақида ёзиш жуда оғир. Ҳар бир футболчи бу кун албатта келишини билади. Ва мана у кун келди. Сиз бу ҳақида биринчилардан бўлиб эшитишга лойиқсиз. Футбол мени сизга, бу шаҳарга, бу клубга, бу одамларга олиб келди. Мен орзуларим ортидан қувиб юрган эдим, лекин бу йўл ҳаётимни бутунлай ўзгартиришини тасаввур ҳам қилмаганман. Бу шаҳар. Бу клуб. Бу одамлар... менга ҳамма нарсани берди. Мен ҳам бунинг эвазига боримни бердим. Ишонасизми, биз ҳаммасига эришдик. Манчестер фақат фарзандларимизнинг паспортида эмас, балки ундан ҳам муҳими — юрагимизда абадий қолади. Бу жой ҳар доим бизнинг уйимиз бўлиб қолади. Шаҳарга, клубга, ходимларга, жамоадошларимга, дўстларимизга ва оиламизга ўтган ўн йил учун катта раҳмат. Ҳар бир ҳикоянинг якуни бор, аммо бу боб — энг яхшиси бўлди. Келинг, бу сўнгги лаҳзаларни бирга ўтказайлик. Чексиз муҳаббат билан», – дея пост қолдирди белгиялик.

Маълумот учун, футболчи «шаҳарликлар» сафидаги 10 йиллик фаолияти давомида жами 413 та ўйин ўтказиб, 106 бор рақиблари дарвозасини ишғол қилди ва 174 бора жамоадошлари голига ҳаммуаллифлик бўлди. Шунингдек, белгиялик ушбу вақт ичида жамоаси билан 18 та кубок ютди.