Месси ЖЧ-2026га бориши хусусида жавоб берди
Aргентина терма жамоаси футболчиси Лионел Месси ЖЧ-2026да иштирок этиши бўйича саволга жавоб берди. Бу ҳақда Marca нашри хабар бермоқда.
«Менимча, йўқ. Бу менинг охирги жаҳон чемпионатим эди. Кўрамиз, лекин назарий жиҳатдан имкон йўқ, мен кейинги жаҳон чемпионатига бормайман», — дейди Месси.
3 июн куни Месси Франсия чемпионатининг 38-турида «Клермон»га қарши майдонга тушиб, «ПСЖ» учун сўнгги ўйинни ўтказди. Футболчининг парижликлар билан шартномаси июн ойида ниҳоясига етди, у эркин агент сифатида «Интер Майами»га ўтди.
Месси 2021 йилда «ПСЖ»га ўтганди.
Бунгача ҳужумчи бутун фаолияти давомида «Барселона»да ўйнаган. Каталонияликлар аргентиналик футболчини клубга қайтариш истагини бир неча бор билдиришган, бироқ бунга жамоа футболчиларининг маош миқдоридаги молиявий чекловлар тўсқинлик қилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter