Овечкин Гретцкининг рекордини такрорлади
Александр Овечкин, Уэйн Гретцки.
«Вашингтон Кэпиталз»нинг россиялик ҳужумчиси Александр Овечкин канадалик Уэйн Гретцкининг NHLдаги снайперлик рекордини такрорлаб, 894-шайбасини киритди. «Чикаго Блэкҳокс»га қарши ўйинда Овечкин дубл қайд этди.
Эндиликда Овечкин ва Гретцки NHL мунтазам чемпионатларида киритган голлар сони 894 таданни ташкил этмоқда. Гретцки 1 487 ўйинда 894 та, Овечкин 1 486 та ўйинда 894 та шайба киритган.
Рекорд такрорланган ўйинни кўриш учун келган Гретцки Овечкин учун хурсанд эканлигини айтди.
NHL прогнозларига кўра, 14 апрел куни «Коламбус Блю Жекетс»га қарши уй ўйинида Овечкин Гретцкини урилган голлари сони бўйича ортда қолдириши мумкин.
Александр Овечкин — Россия терма жамоаси таркибида уч карра жаҳон чемпиони, NHLдаги бутун фаолиятини ўтказган «Вашингтон Кэпиталз» билан 2018 йилда Стэнли кубогини қўлга киритган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter