Ўзбекистон Осиё ўйинлари турнир жадвалида 4-ўринга кўтарилди
Ўзбекистон делегацияси Япониядаги Осиё ўйинларининг бугунги кунини олтин ва кумуш медалларни қўлга киритиш билан бошлади.
Шаҳриёр Маҳкамов байдаркачилар ўртасида 500 метр масофага кечган яккалик пойгаларида маррани биринчи бўлиб забт этиб, Осиё ўйинлари чемпионига айланди.
Терма жамоамизнинг яна бир аъзоси Арина Танатмишева эса кумуш медални қўлга киритди. У 500 метр масофага кечган яккалик дастурида маррага иккинчи бўлиб етиб келди.
Шунингдек, каноэда эшкак эшиш бўйича Ўзбекистон жамоаси аъзолари Владлен Денисов ҳамда Нилуфар Зокирова жуфтлиги кумуш медални қўлга киритди.
Ҳозиргача ўтказилган мусобақалардан сўнг, Ўзбекистон делегацияси турнир жадвалида 4-ўринга кўтарилиб олди. Жами 34 та медал қўлга киритилди: 8 та — олтин, 17 та — кумуш, 9 та — бронза.
Аичи-Нагоя-2026 мусобақаларида медаллар жамғариш бўйича Хитой пешқадамлик қилмоқда, Япония — иккинчи, Жанубий Корея — учинчи ўринда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter