Шахматчи чемпионларимизга 600 миллион сўмдан нақд пуллар топширилди (фото)
Спортни ривожлантириш вазирлигида Ҳиндистоннинг Ченнай шаҳрида ўтган 44-Бутунжаҳон шахмат олимпиадаси чемпиони — Ўзбекистон терма жамоаси аъзоларини тақдирлаш маросими ўтказилди.
Чемпион шахматчининг ҳар бирига, президент фармонига мувофиқ, 600 млн сўмдан пул мукофотлари топширилди.
Мукофот пуллари нақд — 200 минг сўмлик янги купюралардан иборат.
Маросимда спортни ривожлантириш вазирининг ўринбосари М.Исмоилов, Ёшлар ишлари агентлиги директори, шахмат федерацияси раиси А.Саъдуллаев, федерация раисининг биринчи ўринбосари Х.Турдалиев, чемпионлар — Нодирбек Ёқуббоев, Нодирбек Абдусатторов, Жавоҳир Синдоров, Шамсиддин Воҳидов ва Жаҳонгир Воҳидов ҳамда уларнинг ота-оналари иштирок этган.
Ўзбекистон эркаклар терма жамоаси шахмат олимпиадасида мағлубиятга учрамаган ягона жамоа бўлди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter