Нега икки қўлинг бўш, Роналду?
«Манчестер Юнайтед» форварди Криштиану Роналду учун бу мавсум ўхшамади — биттаям соврини йўқ. Жамоаси 0:1 ҳисобида «Эвертон»га мағлубиятга учраб, АПЛ чемпионлиги учун курашдан чиқиб кетганидан сўнг Роналду учун бу аччиқ ҳақиқатга айланди.
Севимли етти рақамига тенг қолган ўйинларни шунчаки ўтказиш аламли...
31 ўйин ўтказган «МЮ» жадвалда 7-ўринда, ундан очколари 22 та кўп «Манчестер Сити» эса карвонбоши — бу мавсум «қизил иблислар» азалий рақибига рақиб бўлолмади.
«Манчестер Юнайтед»га 2021 йил августида «Ювентус»дан ўтган Роналду олдинги мавсумда туринликлар билан Италия кубогини боши узра баланд кўтарган.
Жорий мавсумда «МЮ» Англия лигаси кубогидан учинчи раундда «Вест Ҳэм»га ютқазиб (0:1) чиқиб кетди.
Англия кубогида эса тўртинчи раунддан уёғига «Мидлсбро» (1:1, 7:8 — пеналтилар серияси бўйича) ўтказмади.
Мавсум йўқотилгани билан олдинда — мундиал, ким билсин, Криштиану Роналдунинг Қатар-2022 режасида нималар бор?.. Балки...
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter