Иқтидорли ёшлар учун ижтимоий лифт: Unicorn 2.0 — PDP University’да бепул ўқиш учун 9,9 млрд сўмлик таълим гранти - xabar.uz

Бош саҳифа
Таълим
Иқтидорли ёшлар учун ижтимоий лифт: Unicorn...

Таълим

Иқтидорли ёшлар учун ижтимоий лифт: Unicorn 2.0 — PDP University’да бепул ўқиш учун 9,9 млрд сўмлик таълим гранти

17.03.2023 17:40 0 1170

PDP University АйТи соҳасига қизиқувчи иқтидорли ёшлар учун «Unicorn 2.0» грантини эълон қилади! Ушбу грант қуйидаги имкониятларни тақдим этади:

- PDP University 1-курс тўлов шатномасини 100% гача қоплаш;
- Ётоқхона харажатларини қоплаш;
- Грант асосида таълим олаётган талабаларнинг 3 маҳалгача овқатланишини таъминлаш.

Лойиҳанинг мақсади — иқтидорли ёшларга ўзини намоён этиш учун кенг имкониятлар бериш, уларни бепул ўқитиш, актуал бўлган АйТи соҳасини пухта ўргатиш. Шунингдек, уларнинг моддий ва ижтимоий шароитларини яхшилашга, маҳаллий ва хорижий ТОП компанияларда фаолият юритадиган халқаро даражадаги мутахассис бўлишларига, катта StartUp лойиҳаларни бошлаш, уларни бошқаришга қодир, муҳим қарорлар қабул қила оладиган шахс сифатида шаклланишларига кўмак бериш.

«Unicorn 2.0| Социал лифт» лойиҳасига юртимиздаги етакчи 11 компания ҳомийлик қилмоқда ва улар томонидан умумий қиймати 9,9 млрд сўмлик таълим грант ажратилди.

Грант учун ҳомийлик қилаётган компаниялар:

«SIFCO International» MChJ - савдо белгиси: SIFCO International, ALFARUQ, Mervan Development, DECLAS;

«MEGA-TECH SOLUTIONS» MChJ - савдо белгиси: MEGAVAN;

«MURODLI SAVDO» MChJ - савдо белгиси: Union Paper and Board;

«M-TYRE DISTRIBUTION» MChJ - савдо белгиси: BALLON BY MEGAVAN;

«7-QURILISH TRESTI» MChJ - савдо белгиси: 7-QURILISH TRESTI;

«MEGA MOTORS» MChJ - савдо белгиси: MEGAMOTORS;

«GREEN TECHNOLOGIES COMPANY» MChJ - савдо белгиси: KEDA SureMaker;

«ALEXOR LINE» MChJ - савдо белгиси: Alexor Line.

Грантни қандай қилиб қўлга киритиш мумкин?

Номзодлар Unicorn 2.0 грантини ютиб олишлари учун қуйидаги босқичлардан ўтишлари лозим:

Ҳужжат (ариза) топшириш жараёни. Бундан иштирокчи махсус сайтда www.university.pdp.uz/uz/auth/sign ўзи ҳақидаги тўлиқ маълумотларни киритиб, берилган формаларни тўлдириши керак бўлади.

Номзод билан интервю. Бунда сайтга ўз маълумотларини киритган талабгорлар билан Zoom платформаси орқали якка тартибга онлайн суҳбат ўтказилади.

Махсус ўқув дастури ва имтиҳон. Ушбу босқичда суҳбатдан ўтган номзодлар 2 ойлик «Foundation» (дастурлаш бўйича фундаментал билимлар) курсини онлайн ўқишлари ва курс сўнгида имтиҳондан ўтишлари керак бўлади.

Номзодлар ҳар бир қабул фазасида 96 кишидан саралаб олиниб, PDP Academy «Foundation» курсида таҳсил олишни бошлайдилар. Курсни муваффақиятли якунлаган 140 нафар иштирокчи юқорида кўрсатилган грант ва имкониятлар соҳибига айланадилар.

Ҳаётингиз давомида неча бор ажойиб имкониятни қўлдан чиқарганингиз, қанча қулай фурсатни ўтказиб юборганингизнинг аҳамияти йўқ. Муҳими — навбатдагисини бой берманг.