Швеция маликаси Виктория қизини мактабга олиб борди (фото)
Бугун, 21 август куни Швеция маликаси Викториянинг қизи — олти ёшли Эстель биринчи синфга борди. Бу ҳақда қирол саройи расмий сайти хабар берди.
Эстелни Стокгольмдаги энг нуфузли мактаб — «Campus Manilla»га беришди. Қизалоқни мактабга онаси Виктория, отаси Даниэль ва тансоқчи олиб боришди.
Тантанали қисмдан сўнг маликанинг қизи бошқа болалар билан ўз синфига йўл олди.
Эслатиб ўтамиз, малика Виктория ўртаҳол швед оиласидан чиққан бўлғуси турмуш ўртоғи билан Стокгольмдаги спорт залида танишган. Даниэль Викториянинг шахсий фитнес-инструктори эди.
Улар 2010 йилнинг 19 июнь куни турмуш қуришди. Уларнинг Эстелдан ташқари икки ёшли Оскар исмли ўғли ҳам бор.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter