Оригинал «iMac» ўзининг 20 ёшини нишонламоқда. «Apple»нинг илк авлод моноблоки 1998 йилнинг 6 май санасида махсус тадбирда тақдим этилган, деб хабар берди «ITC.ua».

Биринчи «iMac» ўша даврдаги компьютерлардан сезиларли даражада ажралиб турган. У моноблок шаклида, дисплей ва тизимнинг барча компонентлари битта корпусга жойлашган ҳолда ишланган. Қурилма дизайни устида Жонатан Айв ишланган. «iMac»га 15 дюймли ЭЛТ-монитори, «PowerPC G3» процессори, 32 мегабайт тезкор хотира ва 4 гигабайт қаттиқ диск ўрнатилган. Ушбу тизимнинг ўзига хос хусусияти турли хил эски портларнинг ўрнига ривожланган USB интерфейсидан фойдаланишга ўтганида эди.

«iMac» «Apple»нинг тикланишида муҳим роль ўйнаган. Ушбу маҳсулотнинг тижорий муваффақияти бир қатор омадсизликлардан сўнг компанияни яна «ҳаётга қайтарган». Бунинг натижасида компаниянинг молиявий ресурслари ва келгусида ривожланиши учун аниқ йўналиш пайдо бўлган.

Кейинчалик «Apple» янги «iMac»ларни ишлаб чиқаришда унинг дизайнига алоҳида эътибор бера бошланган. Масалан, 2002 йилда тақдим этилган «iMac» G4 модели ўз кўриниши билан кунгабоқарни эслатган. Унга 15 дюймли LCD-дисплей ўрнатилган бўлган. Кейинроқ мазкур моделнинг 17 ва 20 дюймлилари ҳам чиқарилган.

2004 йилда «iMac G5» модели чиққан бўлиб, у ўз кўриниши билан ҳозирги подставкали моноблокка анча ўхшаш бўлган. Вақт ўтиши билан «Apple» 64 битли «Intel» процессорларидан фойдаланишга ўтган.

2007 йил «iMac» асосан уйда фойдаланиш учун ишлаб чиқарила бошланган. Дизайндаги яна бир ўзгариш ушбу қурилма офис муҳитида фойдаланишга мослаштирилган. 20 ва 24 дюймли дисплейга қўшимча равишда алюминийли янги корпус, 2 ядроли процессор, симсиз сичқонча ва клавиатурани улаш имконияти тақдим этилган.