Андроид қурилмалар учун Xabar.uz мобил иловаси. Юклаб олиш ×

Ўзбекистонда илк бор RFID технологиялари асосидаги кутубхона очилди

Ўзбекистонда илк бор RFID технологиялари асосидаги кутубхона очилди

Фото: ТАТУ матбуот хизмати

«INFOLIB 2019» ахборот-кутубхона ҳафталиги доирасида ташкил этилган RFID технологиялари асосидаги автоматлаштирилган намунавий кутубхонанинг очилиш маросими бўлиб ўтди. Бу ҳақда ТАТУ матбуот хизмати хабар берди.

Фото: ТАТУ матбуот хизмати

Тадбирда олий таълим муассасаларининг AРМ раҳбарлари ва етакчи мутахассислари учун «ID LOGIC» компанияси бош директори Сергей Никулин (Россия) иштирокида «Aхборот-кутубхона муассасаларини комплекс автоматлаштириш истиқболлари» мавзусида семинар ташкил қилинди ҳамда кутубхоналар фаолиятини автоматлаштириш соҳасидаги замонавий технологиялар, уларнинг имконият даражалари ҳақида маълумотлар берилди.

Фото: ТАТУ матбуот хизмати

RFID технологияларидан фойдаланган ҳолда ахборот хизматлари самарадорлигини оширишнинг янги техник ва дастурий воситалари тақдимотига бағишланган мазкур тадбирда кутубхоналарда RFID тизимларини жорий қилишнинг қуйидаги имкониятларига алоҳида тўхталиб ўтилди:

RFID тизимларини жорий қилишнинг имкониятлари:

  • фондлар билан операцияларда инсон омилининг таъсирини камайтириш ва нотўғри идентификациялашнинг олдини олиш;
  • кутубхона ишининг самарадорлигини ошириш ва ўз-ўзига хизмат кўрсатиш станцияларини жорий қилиш орқали кутубхона фойдаланувчиларига хизмат кўрсатиш тезлигини ошириш;
  • инвентаризация вақтини қисқартириш;
  • китоб фондининг сақланишини таъминлаш;
  • китобларни фонд ичида ва ундан ташқарида кўчириш жараёнини иложи борича ошкора қилиш;
  • кутубхона талабларига мувофиқ экспонатларни тезда ташкил қилиш ва илмий ва таълим ресурсларига тезкор кириш орқали таълим самарадорлигини сезиларли даражада ошириш.
Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг