Ўзбекистонда сайёҳлар учун қулай мобил алоқа ва интернет тақдим этилади
Сайёҳлик симкарталарини сотиш бўйича сервис мамлакатимиз аэропортларида, автовокзалларда ва оммабоп сайёҳлик жойларида ишлайди
«Uzmobile» миллий алоқа оператори сайёҳлар учун қиммат роуминг ўрнига қулай мобил SIM-карталарини тақдим этади. Сайёҳлик симкарталарини сотиш бўйича сервис мамлакатимиз аэропортларида, автовокзалларда ва оммабоп сайёҳлик жойларида ишлайди. Бу ҳақда «Ўзбектуризм» маълум қилди.
Рўйхатга олиш паспорт билан амалга оширилади. Шунингдек, икки турдаги телефон аппарати ёки мобил роутерни ижарага бериш хизмати ҳам кўрсатилади.
Роутер – интернет пакет уланган SIM-карта орқали Wi-Fi тармоғини ташкил қилиш имконини беради. У бир нечта қурилмани симсиз интернетга улайди ва бир гуруҳ сайёҳлар ёки уларнинг оилалари учун қулай воситага айланади.
Тариф 30 кун фойдаланиш учун мўлжалланган, унга мулоқот учун дақиқалар ва интернет трафиги киритилган. Симкартага қўшимча равишда кичик брелок берилади, уни калитга бириктириб қўйиш ва исталган пайтда ўз мобил алоқа рақамини билиб олиш мумкин.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter