Андроид қурилмалар учун Xabar.uz мобил иловаси. Юклаб олиш ×

Тошкентда ШҲТнинг муҳим йиғилиши бўлиб ўтади

Тошкентда ШҲТнинг муҳим йиғилиши бўлиб ўтади

8 апрель куни Ўзбекистон раислигида Шанхай ҳамкорлик ташкилоти (ШҲТ) аъзо-давлатларининг Илм-фан ва техника соҳаларининг ривожланишига масъул вазирликлари ва ташкилотлари раҳбарларининг олтинчи йиғилиши бўлиб ўтади.

Тадбирда ШҲТ аъзо-давлатларининг илм-техника соҳасидаги 2022-2025 йиллардаги ҳамкорлик режаси муҳокама қилинади. Шунингдек, Ўзбекистон ташаббуси билан кун тартибига киритилган ШҲТ аъзо-давлатлари ҳамкорлигида сунъий интеллектни ривожлантириш дастури ва бошқа масалалар кўплаб кўриб чиқилади.

ШҲТ аъзо-давлатлари Илм-фан ва техника соҳаларининг ривожланишига масъул вазирликлари ва ташкилотлари раҳбарларининг йиғилиши 2010-йилдан бери ўтказиб келинмоқда. Мазкур тадбир илмий-техник ва инновацион ҳамкорликни ўрнатиш ва такомиллаштириш учун самарали майдон бўлиб, ШҲТ аъзо-давлатлари ўртасида илм-фан ва техника соҳалари ўзаро манфаатли ришталарининг янада мустаҳкамланишига хизмат қилади.

Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг