Qashqadaryoda g‘alla maydoni yonib ketdi. FVB izohi
Tarmoqda Qashqadaryoda g‘alla maydoni yonayotgani videosi tarqaldi.
Ma’lumotlarga ko‘ra, ushbu hodisa viloyatning Kitob tumanidagi Minjil qishlog‘ida bz bergan.
27-may kuni soat 15:11 larda Kitob tumani FVB ga «Zarafshon» MFY, Minjil qishlog‘ida joylashgan «Ayoqchi» fermer xo‘jaligiga qarashli ochiq dalada yong‘in sodir bo‘layotgani to‘g‘risida xabar kelib tushgan, deyiladi viloyat Favqulodda vaziyatlar boshqarmasi xabarida.
Yong‘inga 2 ta yong‘in-qutqaruv ekipaji jalb qilingan va soat 15:58 larda voqea joyiga yetib borib, yong‘inni 16:50 larda bartaraf etgan.
Yong‘in oqibatida fermer xo‘jaligiga qarashli taxminan 1 gektarga yaqin g‘alla maydoni zarar ko‘rgan.
Mahalliy aholi va yong‘in-qutqaruvchilarning sa’y-harakatlari bilan ekin maydonga yondosh bo‘lgan qariyb 15 gektar yekin maydoni yong‘indan saqlab qolindi.
Hozirda yong‘in sababi va zarariga aniqlik kiritilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter