Termizdagi «Alpomish» kurash majmuasining tomi qulab tushdi
Ijtimoiy tarmoqlarda Surxondaryo viloyati, Termiz shahridagi «Alpomish» kurash majmuasi binosining tomi qulab tushgani haqidagi tarqalgan xabarlarga Qurilish vazirligi rasmiy munosabat bildirdi.
Ma’lum bo‘lishicha, 2022-yil 5-may kuni «Alpomish» kurash majmuasi tom qismi buzilib, yerga qulab tushishi kuzatilgan.
Kurash zali binosi 1999-yilda qurilgan bo‘lib, uning tom qismida murakkab konstruktiv yechimli «Kislovodsk» tipidagi fazoviy metall konstruksiyalardan foydalanilgan. Umumiy maydoni 2800 kvadrat metrni tashkil etuvchi kurash zali tomining yarmi buzilib, yerga qulagan (taxminan 1700 kvadrat metr) va yaroqsiz holatga kelgan.
Hodisa oqibatida kurash majmuasi xodimlari sog‘lig‘iga hech qanday zarar yetmagan, deyiladi xabarda.
Eslatib o‘tamiz, kuchli shamol Nukus va Qarshidagining uylarning tomini uchirib yuborgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter