Yong‘in joyiga FVV rahbariyati yetib bordi
Toshkent shahrida joylashgan moy ishlab chiqarish sexi hududida yirik yong‘in sodir bo‘ldi.
Bugun, 17 sentyabr kuni soat 18:07 da Toshkent shahar Olmazor tumani Qizg‘aldoq ko‘chasida joylashgan moy ishlab chiqarish sexi hududida yong‘in sodir bo‘layotganligi to‘g‘risida shahar FVBga xabar kelib tushgan.
Shunga ko‘ra 7 ta yong‘in-qutqaruv ekipaji soat 18:17 da voqea joyiga yetib borgan. Hozirda yong‘inni bartaraf etish ishlari amalga oshirilmoqda.
Dastlabki ma’lumotlarga ko‘ra hududdagi 3 ta rezurvarda moy maxsuloti yongan.
Vaziyat to‘liq nazoratga olingan.
Yong‘in joyiga O‘zbekiston Respublikasi FVV rahbariyati, Toshkent shahar FVB va tuman FV bo‘limi rahbar xodimlari yetib borgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter