Android qurilmalar uchun Xabar.uz mobil ilovasi. Yuklab olish ×

Andijon yaqqol «peshqadam» – Korrupsiyaga qarshi kurashish agentligi

Andijon yaqqol «peshqadam» – Korrupsiyaga qarshi kurashish agentligi

Foto: Xabar.uz

Korrupsiyaga qarshi kurashish agentligi tomonidan budjet buyurtmachilari tomonidan maxsus axborot portalida joylashtirilgan davlat xaridlariga oid e’lonlar muntazam o‘rganib borilmoqda.

Agentlik tomonidan joriy yilning iyun-iyul oylarida o‘tkazilgan monitoring tadbirlarida Respublika bo‘yicha budjet buyurtmachilari tomonidan qiymati 141 mlrd. so‘mlik 458 ta tanlovda «Davlat xaridlari to‘g‘risida»gi va «Raqobat to‘g‘risida»gi Qonunlarning talablari buzilishiga yo‘l qo‘yilganligi aniqlandi.

Shundan:

  • Andijon viloyatida 34,4 mlrd. so‘mlik (104 ta);
  • Toshkent shahrida 19,5 mlrd. so‘mlik (51 ta);
  • Toshkent viloyatida 13,9 mlrd. so‘mlik (50 ta);
  • Surxondaryo viloyatida 13,8 mlrd. so‘mlik (43 ta);
  • Samarqand viloyatida 12,8 mlrd. so‘mlik (50 ta);
  • Qashqadaryo viloyatida 12,5 mlrd. so‘mlik (41 ta);
  • Jizzax viloyatida 8,3 mlrd. so‘mlik (20 ta);
  • Buxoro viloyatida 7,3 mlrd. so‘mlik (33 ta);
  • Xorazm viloyatida 5,3 mlrd. so‘mlik (18 ta);
  • Navoiy viloyatida 5,2 mlrd. so‘mlik (16 ta);
  • Qoraqalpog‘iston Respublikasida 3,4 mlrd. so‘mlik (11 ta);
  • Namangan viloyatida 2,6 mlrd. so‘mlik (11 ta) hamda
  • Farg‘ona viloyatida 2,0 mlrd. so‘mlik (10 ta) tanlovlar bo‘yicha davlat xaridlariga oid qonunchilik talablari buzilganligi ma’lum bo‘ldi.

Xozirda o‘rganishlarda aniqlangan qonunbuzilish holatlari bo‘yicha to‘plangan hujjatlar mansabdor shaxslarning xatti-harakatlariga qonuniy baho berish maqsadida prokuratura organlariga yuborish choralari ko‘rilmoqda.

 

Izohlar

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring