Uzunda «GAI» xodimi haydovchidan 800 AQSh dollari talab qildi va...
Illyustrativ foto.
Surxondaryoning Uzun tumanida Yo‘l harakati xavfsizligi xizmati inspektori qo‘lga tushgani aytilmoqda. Ayni ma’lumotni Xabar.uzning viloyat huquqni muhofaza qiluvchi organlaridagi manbalari tasdiqladi.
Voqelikka ko‘ra, inspektor Sh.A. (1984 y.t.) «Jentra»sining oynalarini maxsus ruxsatnomasiz qoraytirib olgan haydovchidan holat bo‘yicha hujjatlarni rasmiylashtirmaslik evaziga 800 AQSh dollar talab qiladi.
U yog‘ini tasavvur qilayotgan bo‘lsangiz kerak: inspektor talab qilgan pulni olayotgan paytda ashyoviy dalillar bilan qo‘lga olinadi.
Ayni paytda unga nisbatan pora olish (JK, 210-modda) jinoyat ishi qo‘zg‘atilib, tergov harakatlari boshlab yuborilgan.
Avvalroq Andijonda hokim o‘rinbosari qo‘lga tushgani xabar qilingandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter