Buxoro viloyati hokimi Botir Zaripov aholiga murojaat bilan chiqib, oziq-ovqat zaxiralari bo‘yicha muammolar yo‘qligi va bo‘lmasligini aytgan.

Murojaatga ko‘ra, viloyatda joriy yilda quyidagilar hisobidan asosiy turdagi oziq-ovqat mahsulotlari, sabzavotlar yetkazib beriladi va ularning narx-navolari barqarorligi ta’minlanadi:

• paxta va g‘alla ekin yerlaridan qisqartirilgan qariyb 6 ming gektar yer maydoni fuqarolarga 10 sotixdan 1 gektargacha sabzavot ekinlari yetishtirish uchun ajratib berilgan va bu yerlarda dehqonchilik ishlari boshlangan;
• viloyatda 401 ming aholi xonadonlari ixtiyoridagi 43 ming gektar tomorqa yerlarida sabzavot, poliz va chorva mollari uchun ozuqa ekinlarini ekish ishlari yakunlanmoqda;
• aholi tomorqa maydonlaridan samarali foydalanish maqsadida «Bir kontur — bir mahsulot» tamoyili asosida bir yilda kamida ikki marta hosil olish bo‘yicha ishlar amalga oshirilmoqda;
• oborotga kiritilgan va yangi ochilgan 20 ming gektar yerda hamda joriy yilgi g‘alla va ertangi ekinlardan bo‘shaydigan 57 ming gektar yerda takroriy ekinlar ekiladi.

Natijada 2022 yilda:

• 464 ming tonna g‘alla;
• 828 ming tonna sabzavot;
• 208 ming tonna kartoshka;
• 189 ming tonna poliz;
• 265 ming tonna meva va rezavorlar;
• 208 ming tonna uzum;
• 71 ming tonna dukkakli don;
• 28 ming tonna moyli ekinlar;
• 6 ming tonna guruch;
• 291 ming tonna mol va qo‘y go‘shti;
• 38 ming tonna parranda go‘shti;
• 1 mln. 81 ming tonna sut;
• 650 ming dona tuxum;
• 45 ming tonna baliq mahsulotlari;
• 2 ming tonna asal ishlab chiqarilishi kutilmoqda.

Hokimning aytishicha, bu zaxira 2 millionga yaqin Buxoro viloyati aholisining asosiy turdagi oziq-ovqat mahsulotlariga bo‘lgan ehtiyojini to‘liq qondirishga xizmat qiladi hamda bozorlarda narx-navoning barqaror bo‘lishini kafolatlaydi.