Android qurilmalar uchun Xabar.uz mobil ilovasi. Yuklab olish ×

4 500 000 so‘m bilan qo‘lga tushgan shifokorga hukm o‘qildi

4 500 000 so‘m bilan qo‘lga tushgan shifokorga hukm o‘qildi

Foto:«Xabar.uz»

Farxod Qodirov (ismi-familiyalar o‘zgartirilgan) shifokor: dermotolog. Navoiy viloyat bolalar ko‘p tarmoqli tibbiyot markazida ishlaydi. U  fuqarolarni muddatli harbiy xizmatni o‘tashini tashkil qilish yuzasidan tuzilgan tibbiy komissiyasi a’zosi ham hisoblanadi.  Illo kimnidir  muddatli harbiy xizmatga yuborish masalasida biror-bir vakolatga ega emas.

Shunga qaramay  fuqaro S. Aliyevning o‘g‘li B. Ro‘ziyevni bir yillik muddatli harbiy xizmatni o‘tashga yuborish masalasini mansabdor shaxslari orqali «hal qilib berish»ni zimmasiga oladi.  O‘z-o‘zidan emas, albatta. «Xizmatini»   4 500 000 so‘mga baholadi.

Bu narxga yuzaki rozi bo‘lgan ota to‘g‘ri tegishli organga murojaat qildi:  ahvol shunaqa, nima qilasizlar?

Tegishli organ xodimlari qonun nimani ko‘rsatsa, shuni qildi: shifokor to‘rt yarim million so‘m bilan qo‘lga olindi.

Jazo?

Har tugul, shifokor panjara ortiga  jo‘natilmadi. Unga nisbatan tayinlangan jarima jazosi (eng kam oylik ish haqining o‘ttiz besh baravari miqdorida!) tegishli xulosa chiqarish uchun yetarliday.

Adiz Avezov,
jinoyat ishlari bo‘yicha
Navoiy shahar sudi  sudyasi

Izohlar

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring