Davlat soliq qo‘mitasi, qo‘mitaning markaziy apparati hamda hududiy davlat soliq boshqarmalaridagi quyidagi bo‘sh ish o‘rinlariga malakali jurnalistlarni ishga taklif qiladi.

Nomzodlarga qo‘yiladigan talablar:

• oliy ma’lumotli jurnalist;
• davlat tilini yaxshi bilish (rus yoki boshqa tillarni bilish ustunlik beradi);
• soliqqa oid qonun hujjatlarini keng jamoatchilikka yetkaza olish qobiliyatiga ega bo‘lish;

Vazifalari:

• soliq qonunchiligi va davlat soliq xizmati organlari faoliyati bilan bog‘liq tele, audio, videomateriallar, roliklar, turkum maqolalar tayyorlash hamda internet saytlari, matbuot nashrlari, radio va telekanallar orqali e’lon qilish;
• ommaviy axborot vositalari vakillari uchun matbuot anjumanlari, turli seminarlar, soliq qonunchiligini targ‘ib etuvchi tadbirlar, uchrashuvlar, davra suhbatlarini tashkillashtirish;
• ommaviy axborot vositalari bilan yaqin hamkorlikni yo‘lga qo‘yish, ularning yozma, elektron va og‘zaki murojaatlariga o‘z vaqtida hamda sifatli javob qaytarish;
• davlat soliq xizmati organlari faoliyatining ochiqligi va shaffofligini ta’minlashda tegishli chora-tadbirlarni amalga oshirish, soliq ma’murchiligini muntazam takomillashtirib borish bo‘yicha takliflar tayyorlash.

Oylik ish haqi, rag‘batlantirish va ijtimoiy himoyalashga qaratilgan to‘lovlar:

• oylik ish haqi — 3 mln. so‘mdan boshlanadi (mukofot puli va moddiy yordamlardan tashqari);
• maxsus unvon va tizimdagi ko‘p yillik xizmati uchun qo‘shib boriladigan maxsus ustamalar;
• umumxalq bayramlari va chorak yakunlari bo‘yicha mukofot pullari;
• qishloq xo‘jaligi mahsulotlari sotib olish uchun yilda bir marotaba moddiy yordam;
• uy-joy sharoitlarini yaxshilashga muhtoj bo‘lgan xodimlarga uy-joy sotib olish uchun foizsiz qarz ajratish.