«O‘zarxiv» agentligi «Yangi O‘zbekiston arxivlari» nomli hujjatli film premerasi, «O‘zbekiston arxivlari» kitobi hamda «Mustaqillik 30» veb-sayti taqdimoti munosabati bilan  matbuot anjumani o‘tkazdi.

Davlat ahamiyatidagi tarixiy hujjatlarni, yozma va grafik yodgorliklarni saqlash, tizimlashtirish va tavsiflash bilan shug‘ullanadigan maxsus muassasa «O‘zarxiv» o‘z fondini boyitib bormoqda.

«O‘zarxiv» agentligi direktori Ulug‘bek Yusupov sohadagi yangiliklar O‘zbekiston xalqining moddiy va ma’naviy hayotini aks ettirgan, tarixiy, ilmiy, ijtimoiy, iqtisodiy, siyosiy va madaniy ahamiyatga ega bo‘lgan arxiv hujjatlarini saqlash borasidagi mehnatlarini aks ettirganligi ta’kidladi.

«Yangi O‘zbekiston arxivlari» hujjatlari filmi rejissyori, ssenariy muallifi Abdusamad Salomov hisoblanadi.

O‘zbekiston Respublikasi davlat Mustaqilligining 30 yilligi munosabati bilan «O‘zarxiv» agentligi tomonidan «O‘zbekiston arxivlari» axborot kitob-albomi ham chop etilgan.

«Vatanimiz mustaqilligi kuni munosabati bilan qilingan yangi zamonaviy loyihalardan biri bu «O‘zarxiv» agentligi tomonidan «Mustaqillik 30» veb-saytining yaratilishi bo‘ldi», deydi «O‘zarxiv» direktori Ulug‘bek Yusupov.

Mazkur elektron platforma Internet orqali foydalanuvchilarga mustaqillikning ilk yillarida O‘zbekiston Respublikasida qabul qilingan muhim arxiv hujjatlari bilan tanishish, o‘sha davrda tasvirga olingan fotosuratlar va videolavhalar orqali aniq tasavvurga ega bo‘lish imkoniyatitni beradi.