Mamlakatimizda umuman yetimlar bo‘lmasa, yanada yaxshi bo‘lar edi — Prezident
Prezident Shavkat Mirziyoyev bugungi yig‘ilishda ta’kidlashicha, mamlakatimizda har bir bola taqdiriga qaratilayotgan e’tibor tufayli oxirgi yarim yilda «Mehribonlik» uylari, Bolalar shaharchasi va «SOS» bolalar mahallalari uyushmasi qaramog‘idagi 1 ming 619 nafar ko‘ngli o‘ksik farzandlarimiz o‘z oilasi va yaqin qarindoshlari tarbiyasiga o‘tkazilgan.
Natijada 10 ta mehribonlik uyi, 3 ta bolalar shaharchasi va 2 ta bolalar uyi ehtiyoj qolmagani uchun yopilgan.
Qolgan 6 ta «Mehribonlik» va 11 ta kichik bolalar uylarida 1 ming 475 ta o‘rin mavjud bo‘lib, bugungi kunda ularda 897 ta yetim bolalar bor.
«Albatta, bolalar uylari va ulardagi yetimlar soni kamaygani, xalqimizning yuksak ma’naviyati, iymon-insofi va bolajonligini ko‘rsatib turibdi.
Lekin, mamlakatimizda umuman yetimlar bo‘lmasa, yanada yaxshi bo‘lar edi. Shuning uchun, imkon qadar ularni munosib oilalarga farzandlikka berishni tezlashtirish choralarini ko‘rish lozim», — dedi Prezident.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter