Paxtachida xalq muammolarini o‘rganish davom etmoqda
Samarqand viloyat hokimi E. Turdimov tuzgan jamoatchilik nazorat guruhi aholi muammolarini o‘rganishda davom etmoqda.
Bir ayolning eri o‘lgan ekan. To‘ng‘ich o‘g‘lini ham mashina bosib ketibdi. Uch go‘dagi bilan qolgan ayolning eri qura boshlagan uyning tomini yopishga ham, eshik, deraza qo‘yishga ham imkoni yo‘q ekan. Uyni bitkazishga yetadigan kredit mablag‘i ajratilib, mahalladoshlar hashar bilan uyni bitkazib beradigan bo‘ldi.
Tuman prokurori Shermat Jo‘rayev oziq-ovqat, sovg‘a-salomlar bilan ayoldan va bolalaridan xabar olgani keldi. Oila sharoiti, tomorqa bilan tanishib, homiylar ko‘magida oila uchun issiqxona qurib berishga va’da berdi. Bolalar bilan tanishib, ularning yodlagan she’rlarini eshitdi. Uchalasiga ham maktab kiyim-kechaklari va o‘quv jihozlarini shaxsan o‘zi olib berishini aytdi.
Savobli ishlar davom etmoqda.
Karimberdi To‘ramo‘rod, «Xabar.uz» muxbiri.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter