Android qurilmalar uchun Xabar.uz mobil ilovasi. Yuklab olish ×

Prezident administratsiyasi tarkibidagi bo‘linmalar boshqa binoga ko‘chdi, Senat ham ko‘chiriladi

Prezident administratsiyasi tarkibidagi bo‘linmalar boshqa binoga ko‘chdi, Senat ham ko‘chiriladi

O‘zbekiston Respublikasi Prezidentining fuqarolar huquqlarini himoya qilish, murojaatlar bilan ishlashni nazorat qilish va muvofiqlashtirish masalalari bo‘yicha maslahatchisi (Tursinxon Xudaybergenov) bo‘linmalari boshqa manzilga ko‘chib o‘tgan.

Toshkent viloyati hokimligining avvalgi binosi. 

Eslatib o‘tamiz, Xalq qabulxonasi ushbu bo‘linmalar tuzilmasi tarkibiga kiradi. Xalq qabulxonalarining boshqaruv xodimlari esa Prezident Administratsiyasining xodimlari hisoblanadi.

Sobiq Qishloq va suv xo‘jaligi vazirligi binosi.

«Xabar.uz» manbasining xabar berishicha, Amir Temur shoh ko‘chasi, 14-uyda (Toshkent viloyati hokimligining avvalgi binosi) joylashgan bo‘linmalar Navoiy ko‘chasi shoh ko‘chasi, 4-uyga (sobiq Qishloq va suv xo‘jaligi vazirligi binosi) ko‘chgan. Qishloq xo‘jaligi vazirligi ma’muriyati esa bir muncha muqaddam Toshkent viloyati, Qibray tumani, Universitet ko‘chasi, 2-uyga joylashtirilgan edi.

Tashqi ishlar vazirligining avvalgi binosi.

Shuningdek, O‘zbekiston Respublikasi Oliy Majlisi Senati ham Tashqi ishlar vazirligi binosiga ko‘chib o‘tadi. Bu haqda avval ham xabarlar tarqalgandi, hatto Senat apparati xodimlari va senatorlar ko‘chirilib, ammo TIV binosi jiddiy ta’mirga muhtojligi tufayli yana Mustaqillik maydonida joylashgan o‘z binosiga qaytib kelgandi.

Tashqi ishlar vazirligining hozirgi binosi.

Tashqi ishlar vazirligi esa, avval aytilganidek, Xalq bankining avvalgi bosh ofisi (Toshkent shahri hokimiyatining sobiq binosi)ga joylashtirilgan.

Ma’lumot uchun, ayni vaqtda Senat binosi Prezident qarorgohi hisoblanadi.

Izohlar

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring