Android qurilmalar uchun Xabar.uz mobil ilovasi. Yuklab olish ×

Qanday qilib umrni o‘n yilga uzaytirish mumkin?

Qanday qilib umrni o‘n yilga uzaytirish mumkin?

Foto: «Turismovalparaisodelmar.cl»

Foydali odatlar, jumladan, jismoniy mashqlarni muntazam bajarish va sog‘lom ovqatlanish inson umrini taxminan o‘n yilga uzaytirishi mumkin, deydi Amsterdam va Garvard universitetlari olimlari. Mutaxassislarning tadqiqot natijalari «British Medical Journal» jurnalida chop etildi.

Tadqiqotda qariyb yuz mingta 50 yoshli odamlar to‘g‘risidagi ma’lumotlardan foydalanildi. Ular ilmiy ish boshlanganda hech qanday kasallik bilan og‘rishmagan. Qariyb 20 yil davomida ularning hol-ahvoli kuzatib borildi. Tadqiqotchilar ishtirokchilarning qaysilarida yurak-qon tomir kasalliklari, saraton yoki ikkinchi tip diabet paydo bo‘lgani hamda bu kasalliklar necha yoshda kelib chiqqani va ularning qancha umr ko‘rganligiga e’tibor qaratishdi.

Pirovard natijada ekspertlar beshta asosiy xavfli omilni aniqlashdi: chekish, alkogol iste’mol qilish, yog‘ yoki qandni ko‘p yeyish bilan bog‘liq nosog‘lom ovqatlanish, kam jismoniy faollik va tana vazni indeksi bo‘yicha hisoblangan ortiqcha vazn.

Ushbu beshta omilga ko‘ra olimlar 50 yoshli odamning sog‘ligini beglilashdi.

To‘g‘ri ovqatlanish, jismoniy faollik, tamaki va alkogolni umuman iste’mol qilmaslik, tana vaznini nazorat qilishdek 4-5 ta foydali odati bo‘lgan ayollar o‘rtacha 84,4 yil umr ko‘rishgan. Bu odatlarning birortasiga ham amal qilmagan go‘zal jins vakillari esa 73,7 yil yashashgan. Erkaklarda esa bu ko‘rsatkich 81,1 yoshga 73,5 yoshni tashkil etgan.

Izohlar

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring