Rossiya Jurnalistlari uyushmasi raisi O‘zbekistondagi hamkasbini qutladi
Olimjon O‘sarov Jurnalistlar uyushmasi raisi etib saylangani to‘g‘risida xabar bergandik.
Rossiya Jurnalistlar uyushmasi raisi Vladimir Solovev O‘zbekiston Jurnalistlari ijodiy uyushmasi raisi Olimjon O‘sarovga tabrik yo‘lladi.
«Rossiya Jurnalistlar uyushmasi Sizni O‘zbekiston Jurnalistlari ijodiy uyushmasi raisi lavozimiga saylanganingiz bilan tabriklaydi.
Mamlakatlarimizni uzoq yillik do‘stlik va hamkorlik rishtalari bog‘lab turibdi. 2018-yili uyushmamizning 100 yilligiga bag‘ishlangan tantanalar doirasida RJU va O‘zJIU o‘rtasida o‘zaro hamkorlik to‘g‘risidagi kelishuv imzolangan edi.
RJU hamisha O‘zJIU bilan muloqotga tayyor. Janob O‘sarovga salomatlik, baxt-saodat va barcha ishlarida muvaffaqiyatlar, shuningdek, ahil jamoasi va maslakdoshlari doim yor bo‘lishini tilaymiz», — deyiladi tabrikda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter