30 sentyabr kuni Toshkentdagi JW Marriott Hotel’da Philip Morris International (PMI) kompaniyasi tashkil etgan Technovation xalqaro konferensiyasi bo‘lib o‘tdi. Tadbirda O‘zbekiston davlat idoralari vakillari, Rossiya, Tojikiston va Qozog‘istondan kelgan shifokorlar va olimlar, shuningdek yirik kompaniyalar rahbarlari ishtirok etdi.

Technovation tadbiri bundan oldin Ostona, Abu-Dabi, Keyptaun, Rabot va Vashingtonda bo‘lib o‘tgan. Tashkilotchilar tadbirni ilmiy va texnologik innovatsiyalar, yangi mahsulot kategoriyalarini tartibga solish va iste’molchilar huquqlarini himoya qilish masalalari muhokama qilinadigan xalqaro maydon sifatida tanishtirdi.

Ochilish marosimi

Konferensiyani PMI’ning Janubiy Osiyo, Hind-Xitoy va MDH mintaqalari bo‘yicha prezidenti Marko Mariotti ochdi. Majlisda O‘zbekiston Prezidentining Jahon savdo tashkilotidagi vakili Azizbek O‘runov hamda Investitsiyalar, sanoat va savdo vaziri o‘rinbosari Akrom Aliyev chiqish qildi.

Investitsiyalar va tartibga solish

Birinchi sessiya «Innovatsion transformatsiyaga investitsiyalar» deb nomlandi. Unda Yashil Energy bosh direktori Nodirjon Nasretdinov, Coca-Cola O‘zbekiston bosh direktori Kazumasa Mukay va PMI’ning Qozog‘iston hamda Markaziy Osiyo bo‘yicha boshqaruvchi direktori Omar Abdellatif suhbatlashdi. Munozarani Alfiya Musina boshqardi.

Keyin o‘tgan «Tartibga solish laboratoriyasi»da ishtirokchilar Kahoot viktorinasi orqali o‘zgarishlar davrida qo‘llaniladigan xalqaro tartibga solish amaliyotlarini o‘zlashtirdi. Konferensiyani boshidan oxirigacha Kamilla Karimova olib bordi.

Ilm va sog‘liq

Tushlikdan oldin PMI ilmiy hamkorlik bo‘yicha katta direktori doktor Tomoko Iida kompaniyaning innovatsion ilmiy yo‘li haqida ma’ruza qildi.

Ikkinchi sessiya «Technovation’lar sog‘liqqa zararni kamaytira oladimi?» mavzusiga bag‘ishlandi. Unda O‘zbekistondan tibbiyot fanlari doktori Javohir Xalmuhamedov, Rossiyadan ambulatoriya yordami bo‘yicha bosh shifokor o‘rinbosari Boris Kasparov, Tojikistondan onkolog, professor Saida Umarzoda va Qozog‘istondan xirurg-stomatolog Meyram Raganin so‘zga chiqdi.

Oxirgi sessiya «Transformatsiya jarayonida iste’molchilar huquqlarini himoya qilish» mavzusida o‘tdi. Unda O‘zbekiston davlat idoralari va tashkilotlari vakillari fikr bildirdi. Ular bilan birga Qozog‘iston Milliy iste’molchilar ligasi rahbari Svetlana Romanovskaya ham ishtirok etdi. Munozara yangi mahsulot kategoriyalari paydo bo‘layotgan sharoitda tartibga solish, iste’molchilarni xabardor qilish va ularning manfaatlarini himoya qilish masalalariga qaratildi.

Konferensiya yakunida Marko Mariotti yakuniy so‘z bilan chiqdi. Dasturning ikkinchi yarmida jurnalistlar spikerlar bilan alohida intervyu olish imkoniyatiga ega bo‘ldi.