O‘rta yer dengizi diyetasi yurak sog‘lig‘ini saqlashga, immunitet tizimini mustahkamlashga va tanani yallig‘lanish va diabet xavfidan himoya qilishga yordam beradi. Bu haqda News.ru nashriga endokrinolog Natalya Lazurenko ma’lum qildi.

O‘rta yer dengizi diyetasi eng ko‘p o‘rganilgan va tavsiya etilgan diyeta turlaridan biri hisoblanadi. U Gretsiya, Ispaniya, Italiya kabi mamlakatlari aholisining an’anaviy ratsioniga asoslanadi va o‘simlik ovqatlari, baliq, yong‘oq, zaytun moyi va mevalarni o‘z ichiga oladi. Mutaxassisning so‘zlariga ko‘ra, bunday parhez vitaminlar, tolalar va antioksidantlarga boy bo‘lib, bu yallig‘lanishning oldini olishga va immunitetni mustahkamlashga yordam beradi.

Baliq, yong‘oq va zaytun moyida ko‘p miqdorda ko‘p to‘yinmagan yog‘li kislotalar mavjud bo‘lib, ular miyaning kognitiv faoliyatini yaxshilashga yordam beradi va Alsgeymer kasalligini rivojlanish xavfini kamaytiradi. Oddiy uglevodlarga boy ovqatlar diabet xavfini oldini oladi va qonda shakar darajasini saqlaydi. Sabzavotlar va mevalar, o‘z navbatida, ishtahani nazorat qilish va ortiqcha vaznga ega bo‘lmaslik imkonini beradi.

Bundan tashqari, O‘rta yer dengizi diyetasi umumiy tana holatiga foydali ta’sir ko‘rsatadi va qarishni sekinlashtiradi. Shuningdek, kun tartibini saqlab qolish va yetarli uyqu va jismoniy faoliyatdan bilan shug‘ullanmoq kerak.