Chexiya Yevropa ittifoqida birinchi bo‘lib chegaralarini ochdi
Chexiya hukumati o‘z fuqarolarining mamlakat bo‘ylab harakatlanishlari va chet elga chiqishlariga ruxsat berdi. Bu haqda sog‘liqni saqlash vaziri Adam Voytex ma’lum qildi.
«Prague Morning» yozishicha, koronavirus sababli Chexiya chegaralari 16-martdan yopilib, xorijliklarning kirishi va mamlakat fuqarolarining chiqishi taqiqlangan edi. Odamlar faqat ishga, oziq-ovqat do‘konlari va dorixonalarga borish uchun uylaridan chiqishlariga ruxsat etilgandi.
«Chexiyada fuqarolarning erkin harakatlanishiga qo‘yilgan cheklovni juma, 24-apreldan bekor qilish to‘g‘risida qaror chiqarildi», — dedi Voytex.
Qolaversa, o‘ntagacha odamning bir joyga yig‘ilishiga ham ruxsat berildi. Ilgari ikkitadan ortiq insonning bir joyda to‘planishi taqiqlangandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter