Чехия Европа иттифоқида биринчи бўлиб чегараларини очди
Чехия ҳукумати ўз фуқароларининг мамлакат бўйлаб ҳаракатланишлари ва чет элга чиқишларига рухсат берди. Бу ҳақда соғлиқни сақлаш вазири Адам Войтех маълум қилди.
«Prague Morning» ёзишича, коронавирус сабабли Чехия чегаралари 16 мартдан ёпилиб, хорижликларнинг кириши ва мамлакат фуқароларининг чиқиши тақиқланган эди. Одамлар фақат ишга, озиқ-овқат дўконлари ва дорихоналарга бориш учун уйларидан чиқишларига рухсат этилганди.
«Чехияда фуқароларнинг эркин ҳаракатланишига қўйилган чекловни жума, 24 апрелдан бекор қилиш тўғрисида қарор чиқарилди», — деди Войтех.
Қолаверса, ўнтагача одамнинг бир жойга йиғилишига ҳам рухсат берилди. Илгари иккитадан ортиқ инсоннинг бир жойда тўпланиши тақиқланганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter