O‘zbekiston 10 oyda 1,2 mlrd dollarlik meva va sabzovot eksport qildi
2024-yilning yanvar-oktyabr oylarida O‘zbekiston 1,6 million tonna meva va sabzavot eksport qildi. Bu ko‘rsatkich o‘tgan yilning xuddi shu davri bilan solishtirganda 15,7 foizga ko‘proqni tashkil qiladi.
Eksportning qiymatida ham o‘sish kuzatilgan: meva va sabzavotlar eksportidan tushgan daromad 29,8 foizga oshib, 1,2 milliard dollarga yetdi.
O‘zbekiston eksportida eng katta ulushni uzum, shaftoli va gilos egalladi:
- 174 ming tonna uzum eksport qilinib, 147,2 million dollar daromad;
- 103,5 ming tonna hajmida shaftoli sotilib, 96,9 million dollar daromad;
- 32,2 ming tonna miqdorida gilos eksport qilinib, 70,3 million dollar daromad ta’minlandi.
Shu bilan birga, O‘zbekiston eksport faoliyatini rivojlantirishda qator davlatlar bilan muvaffaqiyatli hamkorlik aloqalarini yo‘lga qo‘ygan. Bu meva-sabzavot mahsulotlarini nafaqat Markaziy Osiyo bozoriga, balki Yevropa, Osiyo va Yaqin Sharq mamlakatlariga yetkazib berishga imkon bermoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter
Izohlar mavjud emas