O‘zbekistonlik sportchi, bodibilding bo‘yicha jahon chempioni Alena Nurayeva vafot etdi
Bodibilding bo‘yicha ko‘p karra O‘zbekiston, Osiyo va jahon chempioni Alena Nurayeva vafot etdi. Bu haqda Bodibilding, fitnes va mas-restling federatsiyasi xabar berdi.
Ma’lum qilinishicha, sportchining o‘limiga leykemiya kasalligi sabab bo‘lgan.
«Sizni shunday ajoyib shaxs va sportchi sifatida eslab qolamiz! Barcha oila a’zolari va do‘stlarga samimiy hamdardlik bildiramiz!» – deyiladi federatsiya xabarida.
Nurayeva turli respublika va xalqaro musobaqalarda 9 ta oltin va 4 ta kumush medalni qo‘lga kiritgan.
Xabar.uz jamoasi ham sportchining oila a’zolari va yaqinlariga chuqur hamdardlik bildiradi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter