Tashabbusli budjet amaliyoti uchun kelgusi yili 10 trln so‘m ajratiladi
Tashabbusli budjet amaliyotini va mahallalarning moliyaviy mustaqilligini yanada kengaytirish maqsadida 2024-yilda jamoatchilik fikri asosida shakllantiriladigan loyihalarni moliyalashtirish uchun Davlat budjetidan 10 trillion so‘m ajratiladi.
Bu haqda joriy yil 11-sentyabr kuni imzolangan «O‘zbekiston – 2030» strategiyasini 2023-yilda sifatli va o‘z vaqtida amalga oshirish chora-tadbirlari to‘g‘risida»gi Prezident qarorida belgilab qo‘yildi.
Shundan «Obod qishloq» va «Obod mahalla» dasturlari uchun kamida 4 trillion so‘m yo‘naltiriladi.
Eslatib o‘tamiz, joriy yilgi «Tashabbusli budjet» loyihasining 1-mavsumida g‘olib bo‘lgan jami 1666 ta loyiha uchun 1,6 trln so‘mga yaqin, 2 mavsum g‘oliblari uchun esa tuman (shahar) budjetlari hisobidan 1 trln so‘mdan ortiq mablag‘ yo‘naltirilishi aytilgan edi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter