Toshkentda «ekspress-avtobus»lar uchun alohida yo‘laklar tashkil qilinadi
Toshkent shahrining Amir Temur, Shaxrisabz, Shota Rustaveli va Yangi Sergeli ko‘chalarida tezkor avtobuslar harakatlanishi uchun alohida ajratilgan avtobus yo‘laklari tashkil qilinadi.
Bu borada Hukumatning tegishli qarori loyihasi ishlab chiqildi.
Qaror loyihasiga ko‘ra, shuningdek, ushbu ko‘chalarda joylashgan chorrahalarda svetoforlarining muvofiqlashtirilgan boshqaruv tizimi joriy etiladi va chorrahalarning geometrik parametrlarini o‘zgartirish orqali samaradorligi oshiriladi.
Yo‘nalishsiz taksi uchun esa yo‘lovchilarni tushurish (chiqarish) maydonchalari joriy etiladi.
Ehtiyojdan kelib chiqib, yo‘l transport hodisalari tahlili asosida tartibga solingan piyodalar o‘tish yo‘laklarini joriy qilinib, svetoforlarning muvofiqlashtirilgan tizimiga integratsiya qilinadi.
Poytaxt ko‘chalaridagi jamoat transportini yaxshilashga qaratilgan mazkur tadbirlar, hujjat loyihasiga ko‘ra, 2023-yil yakuniga qadar to‘liq tugatilishi kerak.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter