110 yoshli «Monsa» ilk marotaba Italiya A Seriyasida o‘ynaydi
Italiya sobiq bosh vaziri Silvio Berluskoniga qarashli «Monsa» klubi o‘z tarixida ilk marta A Seriyada qatnashadigan bo‘ldi.
Bu yerda ham yuqori divizionga 3-yo‘llanma taqdiri Angliyadagi kabi yuz berdi: 3-o‘rin («Piza) va 4-o‘rin («Monsa») egalari o‘rtasidagi kurashda so‘nggi jamoaning tolei kuldi.
Birinchi o‘yinda «Monsa» 2:1 hisobida g‘alaba qozongandi, ikkinchi o‘yinning asosiy vaqtida «Piza» 3:2 hisobida oldinga chiqdi va ikki o‘yin bo‘yicha natijalar tenglashgani uchun qo‘shimcha vaqt belgilandi. Ekstrataymlarda ikkita gol urishga kuch topgan «Monsa» futbolchilari 4:3 hisobidagi g‘alaba bilan o‘z nomlarini tarixga yozishdi.
1912-yilda asos solingan «Monsa» 110 yillik tarixida birinchi marta A Seriyada o‘ynaydigan bo‘ldi. 2018-yildan beri jamoa aksiyalarining nazorat paketi sobiq bosh vazir Silvio Berluskoni qo‘lida.
B Seriya g‘olibi «Lechche» va 2-o‘rinni egallagan «Kremoneze» yangi mavsumdan A Seriyada qatnashishi avvalroq ma’lum bo‘lgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter