2019-yili «Statista» dunyo mamlakatlari pandemiyalarga qay darajada shayligini ifodalovchi xaritani chop etgandi. Ushbu infografikaga qator Amerika institut va fondlarining tahlillari natijasi — Global sog‘liqni saqlash xavfsizligi indeksi asos qilib olingandi.

Donald Tramp ushbu statistika bilan faxrlangani aniq, chunki bunda AQSh — birinchi o‘rinda! Buyuk Britaniya esa ikkinchi!

2020-2021-yillardagi reallik esa shunday: pandemiya tiz cho‘ktirgan AQSh kovidga chalinishda jahonda yaqqol yetakchi, Buyuk Britaniya ham eng oldingi o‘rinlarda.

COVID-19 qayd etilishi eng yuqori 10 mamlakat (01.02.2021) 

2019-yilgi pandemiyaga tayyorgarlik indeksida mamlakatlar shartli uch toifaga ajratilgandi:

• Sariq — yaxshi
• To‘q sariq — o‘rtacha
• Qizil — yomon.

Yirik mamlakatlar — Rossiya, Xitoy, Braziliya, Germaniya tahlilchilar tomonidan 2019-yili «o‘rtamiyonalar» qatoriga kiritilgandi. Pandemiyani qattiq va murosasiz bostirgan Xitoydan tashqari, boshqalar ne ko‘yga tushgani ma’lum.

Xaritada qizilga bo‘yalgan Turkmaniston va Shimoliy Koreya hanuzgacha «koronavirusdan xoli».