Alisher Usmonov Yevropa ittifoqini sudga berdi
Yevropa sudi matbuot xizmati rossiyalik tadbirkor Alisher Usmonovning Yevropa ittifoqi sanksiyalariga duchor bo‘lgan shaxslar ro‘yxatiga kiritilishiga norozilik bildirilgan da’vo arizasini qabul qilganini tasdiqladi.
Da’vo arizasini ko‘rib chiqish sanasi hali belgilanmagan, deyiladi TASS xabarida.
«Janob Alisher Usmonovning Ittifoq (YI)ga qarshi da’vosi 29-aprelda topshirilgan. Da’vogar unga qarshi cheklov choralarini bekor qilishni va sud qarori chiqquniga qadar taqiqlov choralarini to‘xtatib turishni talab qilyapti», — deyiladi Yevropa sudi matbuot xizmati xabarida.
28-fevralda Alisher Usmonov boshqa rossiyaliklar qatorida Yevroittifoq sanksiyalari ro‘yxatiga kiritilgandi. Shundan so‘ng Usmonovning Yevropadagi barcha aktivlari bloklanib, uning o‘zi Yevropa ittifoqi mamlakatlari hududiga kirishi taqiqlangan edi.
Rasmiy Bryusselga ko‘ra, rossiyalik tadbirkorlar va siyosatchilar o‘z xatti-harakatlari bilan Ukrainaning hududiy yaxlitligiga putur yetkazishgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter