Andijon va Buxoroda dollarfurushlar qo‘lga olindi
Bosh prokuratura huzuridagi Departamentning Jalaquduq va Shahrixon tumani bo‘limlari hamda IIB xodimlari hamkorligida tezkor tadbirlar o‘tkazilgan.
Unda valyuta ayirboshlash bilan shug‘ullanib kelgan fuqarolar X.Yu. va X.M. jami 3 800 AQSh dollarini 49,4 mln so‘mga, fuqaro A.F. 3 700 AQSh dollarini 48,5 mln so‘mga sotgan vaqtida ashyoviy dalillar bilan ushlanganlar.
Shu kabi, Departamentning Jondor tumani bo‘limi tomonidan o‘tkazilgan tezkor tadbirida valyuta ayirboshlash bilan shug‘ullanib kelgan M.B. fuqaro M.X.ga 3 200 AQSh dollarini 41,1 mln so‘mga sotib olgan vaqtida ashyoviy dalillar bilan ushlangan.
Mazkur holatlar yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki o‘tkazish) bilan jinoyat ishlari qo‘zg‘atilib, tergov harakatlari o‘tkazilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter
Izohlar mavjud emas