20-fevral kuni Muhammad al-Xorazmiy nomidagi Toshkent axborot texnologiyalari universitetida AQShning «Webster» universiteti vitse-prezidenti Djon Payl, TATU rahbariyati hamda TATUda AQShning «Webster» universiteti «Biznes boshqaruvi (MBA)» magistratura yo‘nalishiga o‘qishga hujjat topshirgan talabalar o‘rtasida uchrashuv tashkil etildi.

Vitse-prezident TATUda AQShning «Webster» universiteti «Biznes boshqaruvi (MBA)» magistratura yo‘nalishiga o‘qishga qabul qilish jarayoni bilan tanishdi, hujjat topshirayotgan talabalar bilan ta’lim jarayoni haqida suhbatlashib oldi.

Bundan tashqari, Toshkent shahrida AQShning «Webster» universiteti filialini tashkil etish va 2019/2020 o‘quv yilidan boshlab abituriyentlarni qabul qilinishini yo‘lga qo‘yish masalalarini muhokama etdi.

Ma’lumot o‘rnida: Toshkent axborot texnologiyalari universiteti bilan hamkorlikda faoliyat boshlagan AQShning Vebster universiteti (Webster University, George Herbert Walker School of Business and Technology) Master of Business Administration (MBA: Biznes boshqaruvi magistratura yo‘nalishi) o‘quv dasturi asosida «Loyihalarni boshqarish» yo‘nalishiga talabalarni qabul qilish jarayoni boshlangan va o‘qishga qabul qilish davom etmoqda.