Aziz Abduhakimov Samarqandda tashkil etilgan universitetga rektor etib tayinlandi
Bosh vazir o‘rinbosari Aziz Abduhakimov lavozimini saqlab qolgan holda «Ipak yo‘li» xalqaro turizm universiteti rektori etib tayinlandi. U mazkur oliy ta’lim muassasasining birinchi rektori hisoblanadi.
Aziz Abduhakimov 2014—2017-yillarda Bandlik va mehnat munosabatlari vazirligini boshqargan.
2017-yil avgust oyida Turizmni rivojlantirish qo‘mitasi raisi vazifasida ish boshlagan.
2018-yilning may oyida u Bosh vazir o‘rinbosari — Turizm, ta’lim, sog‘liqni saqlash, jismoniy tarbiya va sport masalalari kompleksi rahbari lavozimiga tayinlandi va ayni paytda shu yo‘nalishdagi faoliyatini davom ettirmoqda.
Eslatib o‘tamiz, Samarqand shahridagi «Ipak yo‘li» xalqaro turizm universiteti Prezidentning 2018-yil 28-iyundagi qarori asosida tashkil etilgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter