Bir tashkilot xodimida koronavirus aniqlansa, qolganlar karantinga olinadimi?
AOKAda Koronavirusga qarshi kurash shtabi a’zosi Sevara Ubaydullayeva ishtirokida brifing o‘tkazildi.
Unda mutaxassis «Bir tashkilotda kimdadir koronavirus aniqlansa, u bilan muloqotda bo‘lganlarning barchasi karantinga olinadimi?» savoliga javob berdi.
«Ko‘pchilik ishlaydigan tashkilotda bitta shaxsda PZR-test natijasi ijobiy bo‘lsa, u bilan muloqotda bo‘lganlarning barchasi shifokor nazoratiga olinadi.
Bunday holatda muloqotda bo‘lganlarning barchasi uyda alohidalanishi va PZR-test topshirishi talab etiladi. Test natijasi ijobiy chiqqan shaxslar shifokor nazoratida belgilangan standartlar asosida davolanadi.
Test natijasi manfiy chiqqanlar esa shifokor nazoratida 10-14 kun davomida uyda alohidalanib karantinda bo‘lishadi va 7 kundan so‘ng qayta PZR-test topshirishadi. Qayta tekshiruv natijasi ham manfiy bo‘lganda, bu shaxs karantindan chiqariladi va odatiy ish faoliyatiga qaytadi».
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter