Bokschilarga mashina va pul mukofotlari berildi (foto)
Bugun Olimpiya shon-shuhrati muzeyida boks bo‘yicha jahon chempionlarini taqdirlash marosimi bo‘lib o‘tdi. Bu haqda Olimpiya qo‘mitasi xabar berdi.
Unda Bosh vazirning birinchi o‘rinbosari, O‘zbekiston boks federatsiyasi raisi Achilbay Ramatov, Milliy olimpiya qo‘mitasi prezidenti Rustam Shoabdurahmonov, Jismoniy tarbiya va sport vaziri Dilmurod Nabiyev, shuningdek, taniqli sportchilarimiz, murabbiylar, federatsiyalar vakillari va OAV xodimlari ishtirok etdi.
Tadbirda sportchi va murabbiylar, shuningdek, federatsiyaning bir guruh xodimlari turli miqdordagi pul mukofotlari bilan taqdirlanishdi.
Bundan tashqari, jahon chempionati qahramonlariga «Prezident sovg‘asi» sifatida – oltin medalni qo‘lga kiritgan Shahobiddin Zoirov, Miraziz Mirzaxalilov va Bahodir Jalolovga «Chevrolet Tracker», kumush medal sohibi Dilshodbek Ro‘zmetovga «Chevrolet Gentra», bronza medalini qo‘lga kiritgan Bobousmon Baturovga «Nexia-3» avtomashinasi topshirildi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter