Chilonzorda o‘g‘rilar tunda uylarga kirayotgani haqida xabar tarqaldi
Ijtimoiy tarmoqlarda Toshkent shahrining Chilonzor tumanida o‘g‘rilar paydo bo‘lganligi, ular aholi uxlayotgan vaqtda xonadonlarni eshikni ochishayotganligi haqida xabarlar e’lon qilingan.
Bosh prokuratura matbuot xizmati mazkur xabarlar asosli ekanini rad etdi.
Aniqlanishicha, ushbu xabarda ko‘rsatilgan holatlar muqaddam ichki ishlar organlari tomonidan mazkur hududlardagi videokameralarda qayd qilingan yozuvlar, ulardagi shaxslarni aniqlagan holda o‘rganilgan.
«O‘rganish natijasiga ko‘ra, ijtimoiy tarmoqda bu borada e’lon qilingan xabarlar o‘z tasdig‘ini topmagan.
Shu bois, ijtimoiy tarmoq foydalanuvchilaridan har xil haqiqatga to‘g‘ri kelmaydigan feyk xabarlarni tarqatmasliklarini so‘rab qolamiz», deyiladi mahkama matbuot xizmati xabarida.
Holat Bosh prokuratura tomonidan nazoratga olingan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter