Dunyodagi eng keksa gorilla 68 yoshga to‘ldi
Berlin hayvonot bog‘ida yashovchi dunyodagi keksa gorilla 68 yoshga to‘ldi, deyiladi Ginnessning rekordlar kitobi bergan xabarda. Fatu laqabli ushbu urg‘ochi maymunning tug‘ilgan kuni rasman — 1957-yilning 13-apreli.
Ta’kidlash kerakki, Fatu mansub bo‘lgan Afrika g‘arbiy tekislik gorillalari odatda 40 yildan 50 yilgacha umr ko‘radi.
Keksa maymunning tishlari to‘kilib ketgani bois, qarovchilar unga beriladigan yemaklar yumshoq bo‘lishiga e’tibor berishadi.
Berlin hayvonot bog‘i bosh direktori doktor Andreas Kniriyemning aytishicha, Fatu o‘zining xotirjam va munosib hayot tarzi bilan barchaning qalbidan joy olgan.
Fatuni G‘arbiy Afrikadan 1959-yilda fransuz dengizchisi olib kelgan, so‘ngra Marsel karvonsaroyidagi qarzini uzish uchun naqda pulga ayirboshlagan. Hayvonlar savdosi bilan shug‘ullanuvchi fransiyalik ayol keyinroq uni Berlin hayvonot bog‘iga sotgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter