Дунёнинг энг бахтли ва бахтсиз мамлакатлари эълон қилинди
Gallup International ассоциацияси мустақил тадқиқот агентликлари ўтказган глобал сўров асосида дунё мамлакатлари рейтингини тузди.
GIA «Бахт индекси»да юқори ўринларни Колумбия (+79), Қозоғистон (+76), Албания (+74), Малайзия (+73) ва Озарбайжон банд этди.
Энг паст ўринларни Гана (+2), Афғонистон (+9), Гонконг (+11), Ироқ (17) ва Россия (+18) банд этди, дейилади тадқиқотда.
Шунингдек, «Умид индекси» (Hope Index)да энг яхши ва энг ёмон кўрсаткичга эга мамлакатлар номи ҳам маълум қилинди.
Оптимист-мамлакатлар етакчи бешлигига Индонезия (+72), Албания (+65), Озарбайжон (+53), Нигерия (+51), Мексика ва Вьетнам (ҳар иккисида бир хил +47 балл) киритилган.
Умидсиз-мамлакатлар бешлигида эса Туркия (-34), Болгария (-34), Афғонистон (-32), Польша (-30) ва Чехия (-25)ни кўриш мумкин.
Тадқиқот 45 мамлакатни қамраб олган, улар орасида Ўзбекистон йўқ.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter