Dunyoning eng iflos havoga ega shahri aniqlandi
![Dunyoning eng iflos havoga ega shahri aniqlandi](http://static.xabar.uz/crop/4/1/720_460_95_4196278820.jpg)
Taxminan 9 million aholi yashaydigan Vetnam poytaxti Xanoy havosi eng yomon ifloslangan shaharlar antireytingida birinchi o‘rinni egalladi.
Bu haqda Phys.org portali Agence France-Presse axborot agentligiga tayanib xabar berdi.
IQAir xalqaro havo sifatini baholash xizmatining monitoring ma’lumotlariga ko‘ra, 5-mart kuni Vetnam poytaxti havosida PM2.5 chang konsentratsiyasi Jahon sog‘liqni saqlash tashkiloti xavfsiz tavsiyalari darajasidan 24 baravar yuqori bo‘lgan.
JSST ma’lumotlariga ko‘ra, PM2.5 zarralari saraton, insult va boshqa kasalliklar bilan bog‘liq.
So‘nggi yillarda Xanoy ko‘pincha keng ko‘lamli qurilish va avtomobil chiqindilari tufayli dunyoning eng ifloslangan shahri sifatida qayd etilgan.
Ko‘mir bilan ishlaydigan elektr stansiyalarining chiqindilari va qishloq xo‘jaligi chiqindilarini yoqish muammoni kuchaytirmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter