Futbol hozirgi kunda dunyo bo‘ylab milliardlab muxlislarni birlashtiruvchi sport turiga aylandi. Ammo bu o‘yin qanday boshlangan? Quyida biz dunyodagi eng qadimgi va hanuzgacha mavjud bo‘lgan 10 futbol klub haqida qisqacha ma’lumot beramiz. Ularning har biri futbolning rivojlanish yo‘lida muhim o‘rin tutgan tarixiy jamoalardir.

1. «Sheffield FC» — 1857 FIFA ma’lumotiga ko‘ra, «Sheffield FC» dunyodagi eng qadimgi futbol klubidir. 1857-yilda tashkil etilgan bu klub 2004-yilda FIFAning «Sharaf ordeni» bilan taqdirlangan.

2. «Cray Wanderers FC» — 1860 Londonning Bromli tumanida temir yo‘l ishchilari tomonidan tashkil etilgan. 1895–1907-yillar orasida qisqa muddat professional bo‘lgan, hozirda yarim professional klub sifatida faoliyat yuritadi.

3. «Hallam FC» — 1860 Klubning ilk shakli 1860-yilda paydo bo‘lgan. 1867-yilda dunyodagi birinchi futbol turniri — «Youdan Cup»da g‘olib chiqqan. Ular o‘ynayotgan «Sandygate» maydoni esa dunyodagi eng qadimgi futbol maydoni hisoblanadi.

4. «Notts County FC» — 1862 Angliya Futbol Assotsiatsiyasigacha tashkil topgan klub. 1888-yilda Futbol Ligasining asoschilaridan biri. Ammo yuqori ligada katta muvaffaqiyatlarga erishmagan.

5. «Stoke City FC» — 1863 Rasmiy o‘yini 1868-yilda bo‘lib o‘tgan. 1925-yilda hozirgi nomini olgan. 1972-yilda Liga Kubogini yutgan va 1919-yildan buyon professional maqomda.

6. «Wrexham AFC» — 1864 Uelsning eng qadimgi klubi. «Racecourse Ground»da to‘p suradi. 2021-yilda aktyorlar Rayan Reynolds va Rob Makelxenni klubni sotib olgan.

7. «Brigg Town FC» — 1864 «The Zebras» laqabli klub quyi divizionlarda ishtirok etadi. Ular ikki marta liga chempioni bo‘lgan va ikki marta FA Vaza kubogini qo‘lga kiritgan.

8. «Nottingham Forest» — 1865 Yevropa miqyosida mashhur klub. Brayan Klof davrida Yevropa Kubogi(YeChL)ni ikki marta yutgan (1979, 1980). Shuningdek, jamoa Angliya chempionligi va Liga Kubogini qo‘lga kiritgan.

9. «Queen’s Park FC» — 1867 Shotlandiyadagi eng qadimgi klub. Angliya FA Kubogi finaliga chiqqan yagona shotland jamoasi. Ular 10 marta Shotlandiya Kubogini yutgan.

10. «Sheffield Wednesday» — 1867 «Wednesday Cricket Club»ning futbol bo‘limi sifatida tashkil etilgan. 1896-yilda ilk FA Kubogini yutgan. Angliya chempioni va bir necha kuboklar sohibi.