«Endi urush bo‘lmasin!» – yangi papa dunyoni tinchlikka chaqirdi
2025-yil 11-may kuni Vatikan maydonida ilk yakshanba ibodatini o‘tkazgan yangi papa — Lev XIV dunyo davlatlarini urushlarni to‘xtatishga chaqirdi.
U o‘z murojaatida ayniqsa Ukraina va G‘azo sektoridagi mojarolarga e’tibor qaratdi va bu hududlarda tinchlik o‘rnatilishi kerakligini ta’kidladi. Papa G‘azodagi otishmalar darhol to‘xtatilishi va asirga olingan fuqarolar ozod qilinishi lozimligini aytdi.
Shuningdek, u Hindiston va Pokiston o‘rtasidagi sulhni olqishlab, bu tinchlik uzoqqa cho‘zilishiga umid bildirdi.
«Endi urush bo‘lmasin», — deya qat’iy murojaat qilgan Lev XIV bugungi vaziyatni «bo‘lak-bo‘lakda davom etayotgan uchinchi Jahon urushi» deb atadi.
Ushbu murojaat uning papa sifatidagi birinchi jamoat oldidagi chiqishi bo‘lib, uni Vatikan maydonida minglab odamlar tingladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter